Creu Lleoedd Cynaliadwy yng Nghonwy

Materion Blaenoriaeth

Goblygiadau ar gyfer y CDLl Newydd

Creu Lleoedd Cynaliadwy:

• Fel yr Egwyddorion Cynllunio Allweddol a Chanlyniadau Creu Lleoedd Cynaliadwy mae angen sicrhau bod CDLl Newydd Conwy yn hwyluso lleoedd cynaliadwy, cynhwysiant cymdeithasol a llesiant i bawb.

Bydd angen i'r CDLl Newydd gofleidio'r egwyddorion cynaliadwyedd a'r cysyniad creu lleoedd i gyflenwi twf a datblygu mewn ffordd gynaliadwy. Dylai lefelau twf a datblygu'r dyfodol ddigwydd mewn lleoliadau cynaliadwy a hygyrch, gan geisio hyrwyddo dylunio da a lleoedd iachach, amddiffyn yr iaith Gymraeg, a dylid cefnogi hyn gan y seilwaith cymdeithasol, amgylcheddol, diwylliannol ac economaidd angenrheidiol i greu lleoedd gwych.

Mae'n hanfodol bod y CDLl Newydd yn cynllunio ar gyfer seilwaith digonol ac effeithlon, gan gynnwys gwasanaethau fel cyfleusterau addysg ac iechyd ynghyd â thrafnidiaeth, cyflenwad dŵr, carthffosydd, rheoli gwastraff yn gynaliadwy, trydan a nwy a thelegyfathrebu sy'n hanfodol i gynaliadwyedd economaidd, cymdeithasol ac amgylcheddol

Lleoedd Iach, Cydraddoldeb a Lles:

• Mae angen mynd i'r afael â'r materion iechyd a lles penodol a nodwyd yng Nghynllun Llesiant Conwy a Sir Ddinbych, gan gynnwys iechyd corfforol a meddwl, lles cymdeithasol a diogelwch y gymuned. Ar y cyfan, mae preswylwyr CBSC yn perfformio ychydig yn well na chyfartaledd Cymru o ran dangosyddion iechyd fel gordewdra, salwch meddwl a'r defnydd o alcohol. Fodd bynnag, mae cysondeb yr ymarfer corff ac achosion derbyn i'r ysbyty am resymau sy'n ymwneud yn benodol ag alcohol gryn dipyn yn waeth nag yng ngweddill Cymru.
• Mae rhai rhannau o ardal CBSC, yn enwedig cymunedau trefol Arfordirol y Gogledd, ymhlith yr ardaloedd gwaethaf o ran amddifadedd yng Nghymru, gyda lefelau isel o weithgarwch economaidd a diffyg mynediad at gyfleusterau a gwasanaethau, yn enwedig i blant, pobl ifanc a phobl hŷn. Ar y llaw arall, yn ardal wledig ddeheuol CBSC mae rhai o'r cymunedau lle ceir y lefelau amddifadedd isaf yng Nghymru.

Mae angen amddiffyn a gwella mynediad at wasanaethau a chyfleusterau gofal iechyd, lleihau anghydraddoldebau iechyd a gwella lles corfforol a meddyliol cymunedau yng Nghonwy. Bydd angen i'r CDLl Newydd sicrhau ei fod yn hwyluso ac yn annog teithio llesol, ymarfer corff, seilwaith gwyrdd ac yn gwella hygyrchedd ac ansawdd y ddarpariaeth mannau agored.

Mae angen lleihau tlodi ac anghydraddoldeb, mynd i'r afael ag allgau cymdeithasol a hybu cydlyniad cymunedol, gan gynnwys gwella mynediad at gyfleusterau cymunedol. Mae angen sicrhau bod y cymunedau yn agos at gyfleusterau cymunedol, gwasanaethau cyhoeddus ac amwynderau allweddol sydd eisoes yn bodoli.

Dylunio Da, yr Amgylchedd Adeiledig a Chreu Lleoedd:

• Mae angen gwella ansawdd dylunio i greu lleoedd gwych i bobl yng Nghonwy, ac mae hyn yn bwysig o ystyried y gymysgedd o aneddiadau a'r ffaith bod ardal CBSC yn un wledig yn bennaf.

I gyflawni datblygu cynaliadwy yn y CDLl Newydd, rhaid i ystyriaethau dylunio fynd y tu hwnt i estheteg a chynnwys yr agweddau cymdeithasol, economaidd a diwylliannol ar y datblygiad, gan gynnwys sut defnyddir gofod, sut mae adeiladau a'r maes cyhoeddus yn cefnogi hyn, yn ogystal â'i adeiladwaith, gweithrediad, rheolaeth, a'i berthynas â'r ardal amgylchynol.

Mae angen i'r CDLl Newydd hybu pensaernïaeth a dylunio o ansawdd uchel sy'n cryfhau cymeriad lleol unigryw ac yn meithrin ymdeimlad o le. Bydd materion dylunio a chreu lleoedd yn berthnasol i rai elfennau o'r CDLl Newydd (e.e. polisïau yn gysylltiedig â dylunio a dynodiadau safle).

Yr iaith Gymraeg:

• Mae strategaeth yr iaith Gymraeg CBSC yn ymrwymo'r cyngor i drin y Gymraeg a'r Saesneg yn gyfartal wrth gynnal busnes cyhoeddus. Yn ychwanegol at hyn mae CBSC yn ymroddedig i helpu i godi proffil y Gymraeg a diwylliant Cymru ymhlith preswylwyr a gweithwyr. Mae angen diogelu a chefnogi'r defnydd cynyddol o'r Gymraeg ymhlith y boblogaeth sy'n byw yn ardal CBSC.

Dylai'r CDLl Newydd gydnabod gwerth iaith a chynnwys darpariaethau polisi i gefnogi twf yn y defnydd o'r iaith Gymraeg. Gall graddfa a lleoliad datblygiadau tai, cyflogaeth a chyfleusterau cymunedol oll effeithio ar yr iaith Gymraeg.

Poblogaeth a Chreu Lleoedd Cynaliadwy:

• Mae cadw ein pobl ifanc yn ein hardal yn fater o bwys, gan fod y rhagolygon poblogaeth ar gyfer Bwrdeistref Sirol Conwy yn dangos bwlch mawr yn y strwythur oedran rhwng tua 18 a 40 oed. Dyma'r grŵp oedran sy'n fwyaf tebygol o fod yn symudol yn economaidd a chymdeithasol, o fod yn chwilio am waith, addysg a chyfleoedd cymdeithasol eraill y tu allan i'r ardal.
• Mae gan Gonwy boblogaeth sy'n heneiddio. Mae strwythur oedran y Fwrdeistref Sirol yn hŷn o lawer na strwythur oedran Cymru ac mae 27.2% o'r boblogaeth yn 65 oed a throsodd, sy'n rhoi pwysau ar wasanaethau cyhoeddus a chymdeithasol. Erbyn canol y 2030au (cyn diwedd Oes y Cynllun), bydd Conwy yn gweld gostyngiad yn y grwpiau oedran hŷn (yn enwedig dros 75 oed).

Bydd angen i'r CDLl Newydd sicrhau ei fod yn hybu strwythur oedran cytbwys ac yn darparu'r tai, cyflogaeth a seilwaith angenrheidiol i annog llesiant economaidd, cymdeithasol, amgylcheddol a diwylliannol i bawb. Mae cadw'r boblogaeth ifanc yn fater hollbwysig i'r cynllun yn ogystal ag annog y boblogaeth iau i ddychwelyd i'r ardal.

Bydd angen i'r CDLl Newydd gynllunio ar gyfer newidiadau yn y boblogaeth gan sicrhau hefyd ei fod yn cynllunio ar gyfer y lefel briodol o wasanaethau cyhoeddus a chymdeithasol i gynnal poblogaeth sy'n heneiddio.

Rheoli Adnoddau Naturiol yn Gynaliadwy:

• Mae'r Polisi Adnoddau Naturiol a'r Datganiadau Ardal yn ddarnau o dystiolaeth allweddol y mae'n rhaid eu hystyried wrth baratoi'r cynllun datblygu.

Bydd angen i'r CDLl nodi sut:

• mae'n cyfrannu at wella cydnerthedd ecosystemau a rhwydweithiau ecolegol;
• mae'n atal a gwrthdroi colli bioamrywiaeth;
• mae'n cynnal a gwella seilwaith gwyrdd ar sail ceisio buddion ac atebion lluosog i'n hecosystemau;
• mae'n sicrhau dewisiadau cydnerth o ran lleoliadau ar gyfer seilwaith a datblygu adeiledig, gan roi ystyriaeth i gyflenwadau dŵr, ansawdd dŵr a, lle bynnag y bo'n bosibl, lleihau llygredd aer a sŵn a pheryglon amgylcheddol, fel y rhai sy'n cael eu hachosi gan berygl llifogydd, newidiadau i'r arfordir, halogiad tir ac ansefydlogi;
• mae'n cymryd camau i symud tuag at economi fwy cylchol yng Nghymru; ac
• mae'n hwyluso'r symudiad tuag at ddatgarboneiddio'r economi.

Creu Lleoedd mewn Ardaloedd Gwledig:

• Fel ardal wledig yn bennaf, mae cefn gwlad Conwy yn adnodd dynamig ac amlbwrpas. Rhaid ei warchod a, lle bo'n bosibl, ei wella er budd ei werth ecolegol, daearegol, ffisiograffig, hanesyddol, archeolegol, diwylliannol ac amaethyddol a'i dirwedd ac adnoddau naturiol.

Mae angen i'r CDLl Newydd warchod y nodweddion hyn gan eu cydbwyso yn erbyn anghenion economaidd, cymdeithasol a hamdden cymunedau lleol ac ymwelwyr. Mewn ardaloedd gwledig dylai'r rhan fwyaf o ddatblygiadau newydd gael eu lleoli mewn aneddiadau sy'n weddol hygyrch heb orfod teithio mewn ceir o'u cymharu â'r ardal wledig yn gyffredinol. Bydd angen i'r CDLl Newydd ystyried y materion hyn wrth fwrw ymlaen â'r Weledigaeth, Amcanion a Strategaeth Twf.

Tir a Ddatblygwyd Eisoes, Tir â Chyfyngiadau a Chreu Lleoedd Cynaliadwy:

• Mae diffyg capasiti tir a ddatblygwyd eisoes i gynnal twf dros Gyfnod y Cynllun, ac mae hyn yn rhoi pwysau ar yr angen am diroedd maes glas. Hefyd, mae rhai aneddiadau ar hyd coridor yr arfordir yn gyfyngedig iawn, yn bennaf oherwydd y dopograffeg i'r de, y perygl o lifogydd i'r gogledd a chapasiti'r priffyrdd, sy'n effeithio ar allu'r cymunedau hynny i hwyluso twf, adfywio a chreu lleoedd cynaliadwy.

Mae angen i'r CDLl Newydd sicrhau bod lefelau twf a datblygu yn y dyfodol yn digwydd mewn lleoliadau cynaliadwy a hygyrch, eu bod yn ceisio hyrwyddo dylunio da a lleoedd iachach, yn amddiffyn yr iaith Gymraeg a'u bod wedi'u cefnogi gan y seilwaith cymdeithasol, amgylcheddol, diwylliannol ac economaidd angenrheidiol. Wrth ddatblygu'r strategaeth ofodol ar gyfer y CDLl Newydd, mae angen blaenoriaethu'r defnydd o dir addas a chynaliadwy a ddatblygwyd eisoes a/neu dir na ddefnyddiwyd eisoes neu safleoedd sy'n cael eu tanddefnyddio ar gyfer pob math o ddatblygiadau mewn aneddiadau presennol. Os nad oes tir a ddatblygwyd eisoes ar gael, dylid rhoi ystyriaeth i safleoedd maes glas addas a chynaliadwy mewn aneddiadau neu ar eu cyrion.

Yr yr ardaloedd hynny lle mae llawer o gyfyngiadau (e.e. perygl llifogydd), bydd angen i'r CDLl Newydd sicrhau ei fod yn cyfrannu at gymunedau cydnerth drwy raglenni adfywio a gwella.

Rheoli Ffurf Aneddiadau:

• Ar hyn o bryd mae gan Gonwy nifer o Letemau Glas a gynlluniwyd i warchod rhag ymledu trefol.

Bydd angen i'r CDLl Newydd warchod rhag ymledu trefol a datblygu amhriodol drwy adolygu'r Lletemau Glas.

Safleoedd Strategol:

• Dylid nodi safleoedd strategol yn y Strategaeth a Ffefrir ynghyd â lluniadau cysyniadol, asesiadau o'r gallu i'w cyflawni ac asesiad hyfywedd

Gan adlewyrchu eu cyfraniad i ofynion twf Conwy ar gyfer y dyfodol ac fel elfennau allweddol o Fargen Dwf y Gogledd, nodwyd Pum Safle Strategol fel rhai sy'n gwneud cyfraniad pwysig i'r ddarpariaeth gyffredinol ar gyfer twf yn ystod Cyfnod y Cynllun.

Cynlluniau Lle:

• Mae Cynlluniau Lle yn ddewisol ac anstatudol. Gellir eu paratoi gan y gymuned leol ac maent yn adnodd grymus i hyrwyddo cydweithio i wella llesiant a chreu lleoedd.
• Dylai Cynlluniau Lle gefnogi'r gwaith o ddarparu polisïau'r CDLl a byddant yn cael eu mabwysiadu fel canllawiau cynllunio atodol.

Bydd angen i'r CDLl Newydd nodi'r polisïau a ddefnyddir ar gyfer Cynlluniau Lle er mwyn rhoi cymorth i gymunedau.

Lleoedd Iach a Chymdeithasol yng Nghonwy

Trafnidiaeth a Hygyrchedd:

• Dylai'r system gynllunio alluogi pobl i gael mynediad at swyddi a gwasanaethau drwy gymryd teithiau byrrach, mwy effeithlon a chynaliadwy drwy gerdded, beicio a defnyddio trafnidiaeth gyhoeddus. Mae mynediad at drafnidiaeth gynaliadwy yn allweddol i gefnogi cymunedau iach sydd â chysylltiadau da.
• Disgrifir llwybrau teithio llesol yn ardal CBSC fel rhai gwael lle mae diffyg buddsoddiad.
• Fel ardal wledig yn bennaf, mae rhai cymunedau yn ei chael yn anodd osgoi defnyddio eu ceir yn hytrach na dulliau teithio cynaliadwy.
• Mae rhai cymunedau, yn enwedig ar hyd coridor yr arfordir, yn wynebu problemau capasiti ar y priffyrdd.
• Mae'r Cynllun Trafnidiaeth Rhanbarthol presennol yn nodi prosiectau blaenoriaeth ar gyfer Ardal Conwy.
• Mae Rhwydwaith y Ffyrdd Craidd yn cysylltu ardal CBSC gyda Bwrdeistrefi Sirol cyfagos ac ardaloedd consortia trafnidiaeth rhanbarthol. Mae'r ffyrdd canlynol yn ardal CBSC yn rhan o'r Rhwydwaith Ffyrdd Craidd: yr A55 (llwybr Arfordir y Gogledd) a'r A470 (llwybr y Canolbarth). Mae'r ddwy brif ffordd graidd yn cysylltu'r boblogaeth leol gyda'r prif aneddiadau, gan gysylltu â rhwydweithiau ffyrdd dosbarth B a'r holl ffyrdd heb eu dosbarthu a'u rhifo yn ardal CBSC.

Bydd angen i'r CDLl Newydd ddylanwadu ar y lleoliad, graddfa, dwysedd, cymysgedd o ddefnydd a dyluniad datblygiadau newydd i sicrhau eu bod yn gwella dewisiadau trafnidiaeth ac yn sicrhau hygyrchedd mewn ffordd sy'n cefnogi datblygu cynaliadwy, yn arwain at ragor o weithgarwch corfforol, yn gwella iechyd ac yn helpu i fynd i'r afael ag achosion newid yn yr hinsawdd a llygredd aer.

Bydd angen i'r CDLl Newydd:

Alluogi Mwy o Ddewisiadau o ran Teithio Cynaliadwy - mesurau i annog mwy o gerdded, beicio a thrafnidiaeth gyhoeddus, a lleihau dibyniaeth ar y car i deithio bob dydd;

Rheoli'r Rhwydwaith - mesurau i wneud y defnydd gorau o'r capasiti sydd ar gael, gan gefnogi hyn â seilwaith newydd wedi'i dargedu; a

Rheoli Galw - defnyddio strategaethau a pholisïau i leihau'r galw am deithio, yn benodol teithiau gan unigolion mewn ceir preifat.

Tai, Tai Fforddiadwy ac Anghenion Sipsiwn a Theithwyr:

• Mae disgwyl i boblogaeth Conwy gynyddu tua 5.6% a mudo fydd yn bennaf gyfrifol am y newid hwn.
• Erbyn 2033 bydd aelwydydd yn llai a bydd mwy o aelwydydd nag sydd ar hyn o bryd. Oherwydd hyn, bydd angen rhagor o dai.
• Mae poblogaeth Conwy yn heneiddio.
• Mae'r ffaith bod y boblogaeth iau yn gadael Conwy yn broblem fawr.
• Awgryma tystiolaeth bresennol y bydd ar Gonwy angen tua 120 o unedau tai fforddiadwy bob blwyddyn, neu 1800 hyd at 2033
• Ar hyn o bryd, mae gan Gonwy gyflenwad tir o lai na phum mlynedd ar gyfer tai, sef 3.1 blynedd. Yn hanesyddol mae'r gyfradd adeiladu flynyddol wedi bod tua 250 uned y flwyddyn.
• Bydd yr angen i ddarparu ar gyfer Sipsiwn a Theithwyr yn parhau. Mae'r Asesiad presennol o Anghenion Sipsiwn a Theithwyr yn dod i'r casgliad bod angen Safle Teithiol yn cynnwys 7 llain.

Bydd y materion allweddol hyn yn arwain at yr angen i ddarparu tai ychwanegol a seilwaith cysylltiedig dros gyfnod y CDLl Newydd.

Mae goblygiadau hefyd o ran math, cymysgedd a maint y tai sydd eu hangen i ystyried aelwydydd llai a thai wedi'u haddasu ar gyfer yr henoed.

Mae angen i'r CDLl Newydd annog strwythur oedran sy'n fwy cytbwys a rhoi sylw i'r broblem allfudo ymysg y boblogaeth iau drwy gyflogaeth, tai, addysg, cyfleusterau cymunedol a gwasanaethau.

Mae angen ystyried anghenion tai fforddiadwy yn erbyn dulliau cyflenwi eraill, yn hytrach nag adeiladu tai newydd (e.e. tai gwag, y farchnad rhentu breifat). Mae hyfywedd yn ystyriaeth allweddol yn y CDLl Newydd wrth benderfynu ar lefel y tai fforddiadwy y gofynnir amdano mewn datblygiadau tai.

Mae angen i'r CDLl Newydd roi ar waith y mecanweithiau i sicrhau ei fod yn cadw cyflenwad tir ar gyfer tai o bum mlynedd drwy ystyried tystiolaeth ymlaen llaw, cynyddu nifer y safleoedd wrth gefn a dad-ddyrannu tiroedd na ellir eu sicrhau.

Bydd angen i'r CDLl Newydd sicrhau ei fod yn darparu ar gyfer yr angen presennol am Safle Teithiol yn cynnwys 7 Llain yng Nghynllun yr Ardal ac yn rhoi polisïau perthnasol ar waith i sicrhau unrhyw angen yn y dyfodol.

Canolfannau Manwerthu a Masnachol:

• Mae'r Gyd-astudiaeth Manwerthu (Conwy a Sir Ddinbych) yn dod i'r casgliad bod angen canolfan fanwerthu a chymhariaeth fawr newydd rhwng Bae Colwyn a gweddill ardal ddwyreiniol y Fwrdeistref Sirol.
• Daeth Gwiriadau Iechyd Canol Trefi Conwy i'r casgliad bod rhai trefi yn y Fwrdeistref Sirol yn iach a heb lawer o siopau gwag, ond bod eraill wedi dirywio dros y blynyddoedd diwethaf oherwydd y pwyslais presennol ar bolisi manwerthu A1 a'r ffaith bod rhai siopau penodol wedi cau (e.e. banciau'r stryd fawr).
• Cafodd yr angen canlynol ar gyfer cyfleusterau manwerthu cyfleustra ei nodi:
  • Dwyrain Conwy: 35,000 troedfedd sgwâr
  • Canol Conwy: 20,000 troedfedd sgwâr
  • Gorllewin Conwy: Dim angen
  • Gogledd Conwy: 5,000 troedfedd sgwâr
  • De Conwy: 15,000 troedfedd sgwâr
• Nodwyd yr angen canlynol ar gyfer manwerthu cymharol:
  • Llandudno: Dim angen
  • Bae Colwyn: 25,000 troedfedd sgwâr

Dylai'r CDLl Newydd sefydlu strategaeth glir ar gyfer datblygu manwerthu, wedi'i chefnogi gan bolisïau, er mwyn creu canolfannau manwerthu a masnachol bywiog, deniadol a hyfyw.

Drwy'r CDLl Newydd, mae angen sicrhau strategaethau manwerthu priodol i gefnogi'r anghenion, y pwysau a'r cyfleoedd manwerthu hyn. Mewn rhai sefyllfaoedd, gallai fod angen gweithredu'n rhagweithiol i nodi lleoliadau lle gall canolfannau masnachol a manwerthu ehangu. Dro arall, efallai y bydd angen nodi mesurau i adfywio canolfannau neu reoli newid mewn pwysigrwydd cymharol canolfan wrth i ganolfannau eraill, a'u pwrpas, ehangu.

Cyfleusterau Cymunedol:

Mae cyfleusterau cymunedol yn cyfrannu at yr ymdeimlad o le, sy'n bwysig i iechyd, lles ac amwynder cymunedau lleol ac mae eu bodolaeth yn aml yn elfen allweddol i greu cymunedau hyfyw a chynaliadwy. Gallant gynnwys ysgolion, cyfleusterau diwylliannol, gwasanaethau iechyd, llyfrgelloedd, rhandiroedd ac addoldai.

Mae mynediad at wasanaethau yn yr ardaloedd gwledig yn broblem benodol ac mae'r 9 Ardal Gynnyrch Ehangach Haen Is (LSOA) ymhlith y 10% mwyaf difreintiedig yn genedlaethol o ran mynediad at wasanaethau.

Mae rhai ysgolion yn llawn neu byddant yn cael eu llenwi yn dibynnu ar dai newydd a chynnydd yn y boblogaeth yn y dyfodol.

Mae angen rhandiroedd a thir ar gyfer claddu pobl dros gyfnod y CDLl Newydd.

Dylai'r CDLl Newydd nodi darpariaeth ddigonol ar gyfer seilwaith cymunedol i fodloni angen y boblogaeth bresennol ac yn y dyfodol.

Ardaloedd Hamdden:

Mae ardaloedd hamdden yn hanfodol i'n hiechyd, lles ac amwynder a gallant gyfrannu at seilwaith gwyrdd ardal. Maent yn darparu lle i wneud gweithgarwch corfforol a chwaraeon a lle i ymlacio, yn aml ym mhresenoldeb natur, ac maent yn cyfrannu at ansawdd ein bywydau.

Bydd rhwydweithiau o ardaloedd gwyrdd a hamdden hygyrch, o ansawdd uchel, hefyd yn hyrwyddo cadwraeth natur, bioamrywiaeth ac yn rhoi cyfle i breswylwyr ac ymwelwyr fwynhau a chymryd rhan mewn pob math o weithgareddau corfforol er mwyn hybu lles corfforol a meddyliol.

Mae Asesiad Mannau Hamdden Agored Conwy hefyd yn nodi bod diffyg ardaloedd o'r fath mewn rhai ardaloedd yn y Fwrdeistref Sirol.

Mae angen nodi, rheoli, ehangu a gwella rhwydwaith Seilwaith Gwyrdd y Fwrdeistref Sirol, gan gynnwys y mannau agored cyhoeddus a chydnabod eu pwysigrwydd i ddarparu manteision amgylcheddol, economaidd-gymdeithasol, ac iechyd, a nodir fel materion allweddol yng Nghynllun Lles Conwy a Sir Ddinbych.

Bydd angen i'r CDLl Newydd annog lles corfforol a meddyliol drwy ddarparu a gwarchod mannau gwyrdd hygyrch, o ansawdd a rhwydweithiau ardaloedd hamdden.

Lleoedd Ffyniannus yng Nghonwy

Datblygu Economaidd:

Mae'r Adolygiad o Dir Cyflogaeth Conwy (ELR) yn dod i'r casgliad y bydd gweithlu Conwy, sef nifer y bobl oedran gwaith sy'n economaidd weithgar, yn cynyddu erbyn 2033. Ar y sail hon, mae'n bosibl bydd angen rhwng 12.46 ac 13.33 hectar o dir busnes (crynswth) dros gyfnod y CDLl Newydd.

Mae angen sicrhau bod safleoedd cyflogaeth lleol yn cael eu diogelu a bod dyraniadau yn cael eu cyflwyno i gefnogi cyflogaeth yn y cymunedau.

Mae all-lif net o 4,784 o breswylwyr sy'n cymudo o Gonwy i weithio mewn ardaloedd eraill. Mae cymhareb dwysedd swyddi Conwy, sef 0.72, yn is na chyfartaledd Cymru 0.74 a'r awdurdodau cyfagos (0.78 yn Sir Ddinbych ac 0.85 yng Ngwynedd). Gallai ail-gydbwyso'r defnydd tir yn y Sir i sicrhau bod rhagor o swyddi (a swyddi o ansawdd gwell) yn cael eu darparu helpu i newid y duedd hon ac 'adennill' cymudwyr, gan leihau cyfraddau all-gymudo net.

Mae Conwy yn rhan o Fargen Twf y Gogledd a fydd yn creu cyfleoedd gwaith, ac a fydd hefyd yn effeithio ar ofynion cyflogaeth, tai a seilwaith.

Dylid nodi safleoedd cyflogaeth strategol ar raddfa ranbarthol drwy gytuno ymhlith yr awdurdodau lleol pa safleoedd sy'n gwasanaethu'r ardal gyfan orau.

Yn ôl yr Arolwg o Dir Cyflogaeth dylid rhannu'r dyraniadau tir cyflogaeth fel a ganlyn: 50% B1 Busnes a 50% ar gyfer B2/B8 Diwydiannol a Warysau.

Mae Asesiad Conwy o'r Farchnad Eiddo yn nodi y dylai tir cyflogaeth newydd gael ei leoli ar hyd llwybr Traws-Ewropeaidd allweddol yr A55.

Mae Strategaeth Economaidd Conwy hefyd yn hyrwyddo'r defnydd o ganolfannau trefi fel ardaloedd allweddol ar gyfer twf cyflogaeth.

Mae angen rhoi cymorth i ddatblygu rhwydweithiau a chlystyrau busnes yn enwedig mewn perthynas â mentrau yn seiliedig ar arloesedd a thechnoleg.

Bydd angen i'r CDLl Newydd gefnogi ffyniant economaidd hirdymor, arallgyfeirio ac adfywio, drwy fanteisio ar safle strategol Conwy ym margen dwf y rhanbarth yn ehangach a thrwy hyrwyddo strategaeth holistig ar gyfer cyd-leoli twf cyflogaeth a thai.

Dylai'r CDLl Newydd gyfeirio datblygiad economaidd a buddsoddiad i'r lleoliadau mwyaf effeithlon a chynaliadwy.

Dylai'r CDLl Newydd helpu i ddarparu tir digonol i ateb anghenion y farchnad gyflogaeth ar lefel strategol a lleol. Dylid gwarchod safleoedd cyflogaeth presennol a'r rhai a ddynodwyd drwy'r CDLl Newydd.

Dylai'r CDLl Newydd geisio:

• cydlynu datblygu drwy bob math o ddarpariaeth seilwaith fel trafnidiaeth a chyfleustodau
• cydlynu swyddi a gwasanaethau gyda thai a seilwaith trafnidiaeth gynaliadwy, i leihau'r angen am deithio, a'r ddibyniaeth ar deithio mewn ceir;
• sicrhau adfywiad ffisegol a chyfleoedd cyflogaeth i gymunedau difreintiedig
• rhoi cymorth i rwydweithiau a chlystyrau busnes lle bo hynny'n briodol.
• mae angen seilwaith trafnidiaeth, amgylcheddol a thelegyfathrebu cysylltiedig i gynnal y rhwydweithiau a'r clystyrau hyn a, lle bydd angen gwelliannau, dylid eu cynnwys yn y cynllun datblygu

Dylai'r CDLl Newydd hefyd ystyried yn ffafriol unrhyw gynigion i gynhyrchu ynni adnewyddadwy neu garbon isel a gynlluniwyd i wasanaethu clystyrau, fel systemau gwresogi ardal a dulliau hynod effeithlon o adfer ynni o wastraff, neu ddarparu rhwydwaith integredig o ailgylchu neu gasglu gwastraff.

Twristiaeth:

Gall twristiaeth fod yn gatalydd ar gyfer adfywio, gwella'r amgylchedd adeiledig a gwarchod yr amgylchedd.

Mae twristiaeth yn dod yn fwyfwy pwysig i'n heconomi a chefnogir y sector gan Gynllun Rheoli Cyrchfan Conwy (2019 - 2029)

Mae twristiaeth yn chwarae rhan bwysig iawn yn economi Conwy a dylai'r CDLl Newydd gefnogi'r diwydiant mewn ffordd gynaliadwy. Yn hanesyddol, mae twristiaeth yng Nghonwy wedi cael ei chefnogi gan asedau naturiol a hanesyddol gwych, yn ogystal â'i leoliad strategol ger yr arfordir a Pharc Cenedlaethol Eryri.

Yn fwy diweddar gwelwyd twf mewn busnesau twristiaeth antur ac awyr agored cynaliadwy drwy'r flwyddyn.

Mae Conwy wedi gweld galw am wahanol fathau o lety gwyliau i'r math mwy traddodiadol.

Bydd angen i ddatblygiadau twristiaeth mewn ardaloedd gwledig fod yn gydnaws â natur a graddfa'r amgylchedd lleol.

Mae gan Gonwy lawer iawn o feysydd carafanau traddodiadol, ac mae llawer o'r rhain yn yr ardal sydd mewn perygl o ddioddef llifogydd yn nwyrain y Fwrdeistref Sirol.

Dylai'r CDLl Newydd annog twristiaeth lle mae'n cyfrannu at ddatblygu economaidd, cadwraeth, arallgyfeirio gwledig, adfywio trefol a chynhwysiant cymdeithasol, gan gydnabod anghenion ymwelwyr a chymunedau lleol ar yr un pryd.

Hefyd, dylai'r CDLl Newydd barhau i gefnogi llwyddiant parhaus twf twristiaeth yng Nghonwy, drwy annog datblygu priodol sy'n gysylltiedig â thwristiaeth, sy'n gydnaws â natur a graddfa'r amgylchedd lleol.

Bydd angen sicrhau twristiaeth gynaliadwy er mwyn ceisio denu twristiaeth drwy'r flwyddyn yn hytrach nag yn dymhorol yn unig.

Economi Wledig Conwy:

Mae economi wledig gref yn hanfodol i gynnal cymunedau gwledig cynaliadwy a bywiog. Mae sefydlu mentrau newydd ac ehangu busnesau presennol yn hanfodol i dwf a sefydlogrwydd ardaloedd gwledig, wedi eu cefnogi gan y seilwaith cymunedol a thai angenrheidiol.

Mae aneddiadau gwledig Conwy yn cyfrif am tua 15% o boblogaeth y Fwrdeistref Sirol. Mae'r rhan fwyaf o'r aneddiadau gryn bellter o'r canolfannau mwy trefol, ac felly bydd angen i'r CDLl Newydd ystyried datblygu economaidd a'r seilwaith angenrheidiol ar eu cyfer.

Gall Brexit effeithio ar ein cymunedau gwledig ac mae'n bosibl bydd angen iddynt arallgyfeirio ymhellach.

Dylai'r CDLl Newydd hyrwyddo a chynnal cymunedau cynaliadwy a bywiog drwy sefydlu mentrau newydd, ehangu busnesau presennol a mabwysiadu dull adeiladol tuag at amaeth ac arferion ffermio newydd.

Bydd angen i'r CDLl Newydd fabwysiadu dull adeiladol tuag at gynigion datblygu amaethyddol, yn enwedig y rheini sy'n cael eu dyfeisio i ateb anghenion arferion ffermio newydd neu sydd eu hangen er mwyn cydymffurfio â deddfwriaeth newydd yn ymwneud â'r amgylchedd, hylendid neu les. Hefyd, dylai'r CDLl Newydd fabwysiadu dull cadarnhaol gyda cheisiadau i drosi adeiladau gwledig ar gyfer busnes.

Yn ogystal, bydd angen i'r CDLl Newydd fabwysiadu agwedd gadarnhaol at brosiectau arallgyfeirio mewn ardaloedd gwledig. Gall arallgyfeirio gryfhau'r economi wledig a dod â chyflogaeth ychwanegol a ffyniant i gymunedau

Dylai'r CDLl Newydd ddynodi safleoedd gwledig newydd ar gyfer datblygu economaidd mewn cynlluniau datblygu lle bo hynny'n briodol.

Er y dylid parhau i warchod cefn gwlad agored lle bynnag y bo hynny'n bosibl, dylid cefnogi ehangu busnesau presennol yng nghefn gwlad agored yn y CDLl Newydd cyn belled nad oes effeithiau annerbyniol.

Seilwaith Trafnidiaeth:

Mae darparu seilwaith trafnidiaeth yn hanfodol er mwyn adeiladu ffyniant, mynd i'r afael â'r newid yn yr hinsawdd, lleihau llygredd yn yr aer a gwella llesiant cymdeithasol, economaidd, amgylcheddol a diwylliannol Conwy.

Mae angen hwyluso'r broses o gyflwyno a gwella seilwaith trafnidiaeth di-garbon mewn ffordd sy'n lleihau'r angen i deithio, yn enwedig mewn cerbydau preifat, ac sy'n hwyluso a chynyddu'r defnydd o ddulliau teithio llesol a chynaliadwy

Disgrifir llwybrau teithio llesol yn ardal CBSC fel rhai gwael y mae angen buddsoddi ynddynt.

Mae'r Cynllun Trafnidiaeth Rhanbarthol yn nodi prosiectau trafnidiaeth sy'n flaenoriaeth yng Nghonwy

Mae gan Gonwy amryw o orsafoedd trên trefol ar hyd prif linell y Gogledd gyda chysylltiadau i nifer o drefi mawr eraill. Hefyd, mae rheilffordd Dyffryn Conwy yn rhedeg o orsaf Llandudno, gan gysylltu â nifer o bentrefi gwledig. Mae'r gwasanaeth bws ar hyd coridor yr arfordir yn eithaf da yn gyffredinol ond gall fod angen gwasanaethau ychwanegol mewn rhai ardaloedd i gynnal twf. Mae gwasanaeth da i Lanrwst yn bwydo'r ardal wledig, ond mae'n gyfyngedig ar ôl hynny o ran gwasanaethu'r aneddiadau gwledig ehangach.

Mae nifer o gyfnewidfeydd trafnidiaeth gynaliadwy ar y gweill ar gyfer yr ardal.

Mae amryw o gilffyrdd rheilffyrdd mawr yn yr ardal

Dylai'r CDLl Newydd gefnogi'r gwelliannau angenrheidiol i'r seilwaith trafnidiaeth, lle gellir dangos eu bod yn arwain at fwy o ddefnydd o drafnidiaeth gynaliadwy ac yn lleihau dibyniaeth ar geir preifat ar gyfer teithiau dyddiol.

Dylai'r CDLl Newydd leoli twf yn yr ardaloedd lle mae'r seilwaith angenrheidiol ar gael neu mae wedi'i gynllunio er mwyn creu lleoedd cynaliadwy a lleihau'r angen i ddefnyddio ceir. Dylai'r CDLl Newydd hefyd nodi lle mae angen trafnidiaeth gyhoeddus a chyfnewidfeydd ychwanegol a dylid eu gwarchod i gefnogi datblygiadau newydd.

Dylai'r CDLl Newydd gynnwys yr holl gynigion ar gyfer ffyrdd newydd a gwelliannau mawr i'r brif rwydwaith ffyrdd yn ystod oes y cynllun, a nodi'r polisïau cyffredinol ar flaenoriaethau ar gyfer mân welliannau.

Telegyfathrebu:

Mae seilwaith gyfathrebu electronig fforddiadwy a diogel yn hanfodol i bobl a busnesau.

Mae diffygion yn y system delegyfathrebu symudol yn rhai ardaloedd o Gonwy ac nid oes gan rai ardaloedd fynediad at fand eang ar linellau sefydlog.

Dylai'r CDLl Newydd roi cymorth i'r seilwaith telegyfathrebu mewn lleoliadau priodol. Dylai nodi polisïau ar gyfer datblygu telegyfathrebu, gan gynnwys polisïau ar sail meini prawf i arwain datblygiadau i leoliadau addas.

Dylai'r CDLl Newydd geisio cefnogi cynigion ar gyfer seilwaith band eang newydd neu welliannau i rwydweithiau neu gyfarpar presennol. Dylai polisïau hefyd sicrhau bod seilwaith band eang yn ofyniad hanfodol mewn cynigion datblygu newydd.

Ynni a Newid yn yr Hinsawdd:

Mae gwaith ymchwil i'r newid yn yr hinsawdd yn darogan cynnydd yn amlder a difrifoldeb ein glawiad. Felly, mae llifogydd o afonydd, carthffosydd a dŵr wyneb yn debygol o waethygu ar draws ardal CBSC yn y dyfodol. Disgwylir i ardal CBSC hefyd wynebu mwy o lifogydd llanw wrth i lefel y môr godi.

Yn 2015 cynhyrchodd CBSC 2.7% o'r ynni carbon isel ar gyfer Cymru. Fodd bynnag, mae lle i wella ar hyn drwy gynhyrchu mwy o ynni adnewyddadwy yn y dyfodol.

Mae Adolygiad Ynni Adnewyddadwy Conwy hefyd yn nodi cynigion strategol ar gyfer ynni gwynt a solar y bydd angen i'r CDLl Newydd eu hystyried.

Mae Strategaeth Economaidd Conwy yn hyrwyddo cynnydd mewn cynlluniau ynni adnewyddadwy a dyhead i gyflwyno Morlyn Ynni Llanw ar hyd arfordir y Gogledd, a fyddai'n creu ardal fwy cydnerth yn erbyn llifogydd, adfywio a chynhyrchu ar gyfer twristiaeth a hamdden yn ogystal â chynhyrchu ynni adnewyddadwy.

Yn y tymor hir gallwn ddisgwyl symudiad parhaus i ffwrdd o gynhyrchu tanwyddau ffosil i gyfeiriad ffynonellau ynni mwy cynaliadwy.

Dylai'r CDLl Newydd geisio cyflwyno polisïau perthnasol er mwyn:

• lleihau faint o ynni rydym yn ei ddefnyddio yng Nghonwy;
• lleihau ein dibyniaeth ar ynni a gynhyrchir gan danwyddau ffosil;
• rheoli'n weithredol y broses o symud i economi carbon isel; a
• lliniaru effeithiau newid yn yr hinsawdd yn unol â'r hierarchaeth ynni ar gyfer cynllunio.

Dylai'r CDLl Newydd sicrhau cymysgedd priodol o ynni sy'n cynnig y manteision gorau i economi a chymunedau Conwy ond yn lleihau unrhyw effeithiau amgylcheddol a chymdeithasol negyddol. Dylai gydnabod yn llawn y manteision a gyflwynir gan ynni adnewyddadwy ac ynni carbon isel fel rhan o'r ymrwymiad cyffredinol i fynd i'r afael â'r newid yn yr hinsawdd ac i wella diogelwch ynni. Dylai gefnogi defnydd isel o ynni adnewyddadwy, a mynediad at y grid mewn datblygiadau.

Dylai'r CDLl Newydd ystyried yr adnodd ynni adnewyddadwy yng Nghonwy wrth lunio targed ynni adnewyddadwy sy'n seiliedig ar dystiolaeth gadarn, briodol.

Dylai polisïau'r CDLl Newydd sicrhau bod egwyddorion adeiladu dylunio cynaliadwy yn rhan hanfodol o ddylunio datblygiad newydd. Hefyd, dylai'r CDLl Newydd asesu safleoedd strategol drwy gynnal asesiad hyfywedd economaidd i nodi cyfleoedd i fynnu safonau adeiladu mwy cynaliadwy.

Dylai'r CDLl Newydd, lle bo hynny'n berthnasol, ddarparu polisïau i esbonio lle mae datblygiadau ynni gwynt mawr yn debygol o gael eu caniatáu yn yr Ardaloedd Chwilio Strategol.

Mwynau:

Mae'r ddarpariaeth ar gyfer agregau ym mhob awdurdod lleol yn cael ei arwain gan y Datganiad Technegol Rhanbarthol (RTS) ar gyfer agregau, sef un o ofynion paragraff 50 Nodyn Technegol Mwynau 1. Mae'r datganiad hwn yn cael ei adolygu ar hyn o bryd a disgwylir iddo gael ei gyhoeddi ar ddechrau 2020.

Bydd y Datganiad Technegol Rhanbarthol yn gwneud argymhellion ar gyfer unrhyw ddosraniad angenrheidiol i sicrhau cyflenwad digonol o greigiau wedi'u malu a thywod ac agredau graean, gan gynnwys isafswm y ddarpariaeth genedlaethol o 7 mlynedd o dywod a graean a 10 mlynedd ar gyfer creigiau wedi'u malu.

Nid yw amseriad cyhoeddi'r Datganiad Technegol Rhanbarthol yn cyd-fynd ag amserlen adolygu'r CDLl, fodd bynnag, ar y cam hwn mae banc tir sylweddol wedi'i ganiatáu o greigiau wedi'u malu wrth gefn yng Nghonwy a rhagwelir y bydd yn para am holl gyfnod adolygu'r CDLl a'r cyfnod gofynnol ar gyfer banc tir, sef 10 mlynedd. O'r herwydd, ystyrir ei fod yn annhebygol y byddai unrhyw ofyniad sylweddol i wneud darpariaeth ychwanegol.

Hefyd, mae diffyg adnoddau tywod a graean anghyfyngedig sy'n hyfyw yn fasnachol yn golygu bod unrhyw ddarpariaeth y mae Conwy'n debygol o fod ei angen ar gyfer tywod a graean yn fwy tebygol o ddod o ddosraniad yn Sir Gwynedd.

Bydd angen i adolygiadau o'r CDLl yn y dyfodol roi ystyriaeth i ganlyniad y Datganiad Technegol Rhanbarthol (ar ôl iddo gael ei gyhoeddi.)

Gwastraff:

Cyhoeddwyd nifer o adroddiadau monitro rhanbarthol sy'n dangos bod cyfraddau casglu gwastraff y Sir wedi gostwng yn raddol ers 2008 a bod cyfraddau ailgylchu wedi cynyddu'n gyffredinol.

Mae'r gofyniad i lunio Cynlluniau Gwastraff Rhanbarthol wedi cael ei ddileu, er bod yn rhaid parhau â gwaith monitro i sicrhau bod gan ranbarthau gapasiti gwaredu ac adfer digonol.

Y prif gasgliad hyd yma yw nad oes angen capasiti gwaredu ychwanegol yn y rhanbarth ac y dylid rhoi ystyriaeth ofalus i unrhyw alw am gapasiti trin gwastraff gweddilliol yn y rhanbarth i sicrhau na fyddai'r cyfleuster yn arwain at orddarpariaeth.

Er bod polisïau a chanllawiau cenedlaethol wedi newid mewn perthynas â gwastraff, mae polisïau'r CDLl presennol MWS/6 ac MWS/7 wedi bod yn ddigon hyblyg i sicrhau seilwaith gwastraff.

Mae'r syniad o ddefnyddio tir cyflogaeth ar gyfer gwastraff yn ddichonadwy ond dylid ei addasu i gynnwys dull sy'n seiliedig ar feini prawf er mwyn sicrhau mai cyfleusterau priodol yn unig a gaiff eu lleoli ar ddyraniadau tir cyflogaeth.

Bydd rhai safleoedd nad ydynt yn rhai strategol yn cael eu nodi ar gyfer rheoli gwastraff yn amodol ar angen lleol.

Lleoedd Naturiol a Diwylliannol yng Nghonwy

Tirweddau:

Mae gan Gonwy dirweddau cyfoethog ac amrywiol. Mae Conwy wedi dynodi 6 Ardal Tirwedd Arbennig ar lefel leol.

Parc Cenedlaethol Eryri. Wedi'i ddynodi yn Barc Cenedlaethol yn 1951, Parc Cenedlaethol Eryri yw'r parc mwyaf a'r cyntaf i gael ei ddynodi yng Nghymru. Mae'n ymestyn dros 213,200 hectar. Mae Parc Cenedlaethol Eryri yn cynnwys rhannau o Wynedd a rhannau o ardal CBSC, gan gynnwys aneddiadau sydd yn y ddwy Sir.

Bydd angen i'r CDLl Newydd ystyried tirweddau ar ddechrau'r broses o lunio strategaethau a pholisïau

Bydd angen i'r CDLl Newydd gadw a gwella asedau naturiol o ansawdd uchel Conwy.

Ardaloedd Arfordirol:

Mae 85% o'r boblogaeth yn byw ar hyd arfordir Conwy ac mae'r holl ardaloedd trefol mwyaf poblog ar hyd coridor yr A55.

Mae lefel uchel o bwysau datblygu yn yr ardal ac mae angen adfywio ardaloedd fel Pensarn, Tywyn a Bae Cinmel, lle mae'r perygl o lifogydd yn her sylweddol. Mae Astudiaeth Potensial Datblygu yn cael ei chynnal yn yr ardaloedd hyn i benderfynu a ellir cynnal twf.

Bydd angen i'r CDLl Newydd sefydlu'r glir beth y mae'r arfordir yn ei olygu i Gonwy a datblygu neu ddefnyddio polisïau penodol sy'n adlewyrchu nodweddion yr arfordir. Drwy wneud hyn, dylai'r CDLl Newydd gydnabod y cyswllt a'r berthynas rhwng nodweddion ffisegol, biolegol a defnydd tir yr ardaloedd arfordirol a'u heffeithiau ar newid yn yr hinsawdd.

Amgylchedd Hanesyddol:

Mae asedau hanesyddol yn chwarae rôl bwysig mewn twristiaeth, buddsoddi a chymunedau ac mae angen eu gwarchod a'u gwella drwy'r CDLl Newydd.

Mae Castell Conwy wedi'i ddynodi'n Safle Treftadaeth y Byd. Ym marn UNESCO, Castell Conwy yw "un o'r enghreifftiau mwyaf godidog yn Ewrop o bensaernïaeth filwrol diwedd yr 13eg ganrif a dechrau'r 14eg ganrif yn Ewrop".

Mae ardal CBSC yn cynnwys 162 o Henebion Cofrestredig, 1735 o Adeiladau Rhestredig y mae 29 o'r rhain yn adeiladau Gradd I, 1610 yn Gradd 2 a 96 yn Gradd 2*, a 24 o Ardaloedd Cadwraeth. Rhaid i'r CDLl Newydd gefnogi ymdrechion i warchod a gwella ein holl asedau treftadaeth dynodedig cenedlaethol, gan gynnwys eu gosodiad.

Mae'r asedau treftadaeth a nodwyd yn elwa ar warchodaeth statudol a rhaid ystyried hyn yng nghyswllt polisïau, cynigion a chanllawiau'r CDLl Newydd.

Rhaid i'r CDLl Newydd warchod a gwella asedau diwylliannol a threftadaeth ansawdd uchel Conwy.

Dylid gwarchod, amddiffyn a hyrwyddo eu cyfraniad i ardal CBSC ac yn enwedig tref Conwy (tref treftadaeth y byd) er mwyn annog twristiaeth yn yr ardal.

Adfywio drwy Ddiwylliant:

Mae'r Polisi Cynllunio Cenedlaethol yn nodi pwysigrwydd cynnal nodweddion unigryw ac arbennig sy'n rhoi ymdeimlad o hunaniaeth i le, yn ogystal â bod yn annhebyg i unrhyw le arall.

Ar hyn o bryd, mae nifer o fentrau a phrosiectau adfywio parhaus ac arfaethedig ar gyfer y dyfodol agos ar draws y sir a fydd yn cael effaith gadarnhaol ar wella a chynnal asedau diwylliannol Conwy.

Bydd angen i'r CDLl Newydd gynnig cefnogaeth i'r fath fentrau pan maent yn berthnasol i gynlluniau defnydd tir ac yn cyd-fynd ag amcanion/polisïau eraill yn y cynllun.

Seilwaith Gwyrdd:

Mae Deddf yr Amgylchedd (Cymru) 2016, yn sbardun cryf i ddarparu seilwaith gwyrdd aml-weithredol.

Mae Asesiad Seilwaith Gwyrdd Conwy ar y gweill i oleuo'r gwaith o gynhyrchu CDLl Newydd ac i ddatblygu dull cadarn o lunio cynigion i wella bioamrywiaeth, cynyddu gwydnwch ecolegol a gwella canlyniadau lles, a bydd yn adnabod cyfleoedd strategol allweddol lle gallai adfer, cynnal, creu neu gysylltu nodweddion gwyrdd a'u swyddogaethau ddarparu'r manteision gorau yng Nghonwy.

Dylai'r CDLl Newydd warchod a gwella asedau a rhwydweithiau seilwaith gwyrdd.

Rhaid i'r CDLl Newydd gydymffurfio â Dyletswydd Adran 6 mewn perthynas ag Amrywiaeth, Graddau, Cyflwr, Cysylltiadau a Gallu i Addasu i Newid.

Bioamrywiaeth:

Dylid rhoi ystyriaeth i wybodaeth yn Natganiadau Ardal Cyfoeth Naturiol Cymru a chofnodion rhywogaethau o Ganolfannau Cofnodion Amgylcheddol Lleol. Hyd yma nid yw Cyfoeth Naturiol Cymru wedi paratoi'r Datganiadau Ardal ar gyfer Gogledd Orllewin Cymru.

Mae Conwy yn cynnwys 3 Ardal Gwarchodaeth Arbennig (AGA), 8 Ardal Cadwraeth Arbennig ac un Safle Ramsar.

Mae gan Sir Conwy 43 Safle o Ddiddordeb Gwyddonol Arbennig (SoDdGA) a 6 Gwarchodfa Natur Genedlaethol (GNC). Rhaid i unrhyw CDLl Newydd gefnogi'r gwaith o reoli safleoedd gyda dynodiadau cenedlaethol yn unol â'r amcanion cadwraeth a ddiffiniwyd ar eu cyfer.

Mae gan Sir Conwy dros 40 o Ardaloedd Bioamrywiaeth ar dir y mae'r Cyngor yn berchen arno neu yn ei reoli, ac 11 Gwarchodfa Natur Leol.

Bydd angen i'r CDLl sicrhau ei fod yn gweithredu fesul cam wrth warchod a gwella bioamrywiaeth ac adeiladu rhwydweithiau ecolegol gwydn drwy sicrhau bod unrhyw effeithiau niweidiol i'r amgylchedd yn cael eu lleihau a'u lliniaru.

Dŵr, Aer, Seinwedd a Golau:

Aer a Seinwedd:

Mae aer glân a seinwedd priodol yn cyfrannu at brofiad cadarnhaol o le, yn ogystal â bod yn angenrheidiol ar gyfer iechyd, amwynder a lles y cyhoedd.

Yn ôl y data diweddaraf, nid yw safonau ansawdd yr aer yn ardal CBSC mewn perygl o fynd dros y safonau a nodir yn Amcanion Ansawdd Aer yr Undeb Ewropeaidd ac nid oes angen unrhyw asesiadau manwl na chynlluniau rheoli ar lefel Cyngor ar gyfer unrhyw lygredd.

Golau

Mae angen cydbwyso darparu goleuadau i gadw pobl ac eiddo'n ddiogel er mwyn helpu i atal troseddu, a gallu cynnal gweithgareddau fel chwaraeon a hamdden â'r angen i warchod yr amgylchedd naturiol a hanesyddol gan gynnwys bywyd gwyllt; cadw ein hawyr yn dywyll lle bo hynny'n briodol; atal golau tanbaid a pharchu amwynder defnyddiau tir cyfagos ynghyd â lleihau'r allyriadau carbon sy'n gysylltiedig â goleuadau.

Dylai'r CDLl Newydd sicrhau ei fod yn cynnwys polisïau i atal effaith a gwneud y mwyaf o'i gyfle i gyfrannu at greu Cymru iachach drwy geisio lleihau faint y mae pobl yn dod i gysylltiad ar gyfartaledd â llygredd aer a sŵn, ochr yn ochr â mesurau i fynd i'r afael ag ardaloedd o lygredd uchel. Drwy wneud hyn bydd yr egwyddor 'cyfrwng newid' yn ystyriaeth berthnasol.

Dylai'r CDLl Newydd hefyd nodi ardaloedd o bwysigrwydd diwylliannol neu hanesyddol, y dylid rhoi ystyriaeth arbennig iddynt o ran seinwedd lle gallai fod angen gwneud hyn i ddiogelu bywiogrwydd neu i ddarparu amgylchedd heddychlon ac adferol mewn ardaloedd adeiledig prysur.

Bydd yn anhepgor i'r CDLl Newydd adnabod synergedd rhwng mapio seilwaith gwyrdd a'r effaith gymedroli y gallai gwarchod neu ddarparu seilwaith gwyrdd ei chael ar gynnal ansawdd aer da a seinwedd priodol, gan gynnwys rôl mannau gwyrdd tawel.

Creu Lleoedd Cynaliadwy yng Nghonwy

Mater Blaenoriaeth

Amcan

Creu Lleoedd Cynaliadwy

Lleoedd Iach, Cydraddoldeb a Llesiant

Dylunio Da, yr Amgylchedd Adeiledig a Chreu Lleoedd

Yr Iaith Gymraeg

Rheoli Adnoddau Naturiol yn Gynaliadwy

Creu Lleoedd mewn Ardaloedd Gwledig

Rheoli Ffurf Aneddiadau

Tir a Ddatblygwyd Eisoes, Tir â Chyfyngiadau a Chreu Lleoedd Cynaliadwy

Cynlluniau Lle

Amcan Strategol 1 (SO1): Cyfrannu at greu lleoedd cynaliadwy, cynhwysiant cymdeithasol ac at wella lles yn gyffredinol yng Nghonwy drwy ddarparu proses gynhwysol o greu ac adfywio lleoedd sy'n sicrhau twf yn y dyfodol a bod datblygu'n digwydd mewn lleoliadau cynaliadwy a hygyrch, sy'n ceisio hyrwyddo dyluniad da a lleoedd iachach, sy'n gwarchod yr iaith Gymraeg ac sydd wedi'i chefnogi gan y seilwaith cymdeithasol, amgylcheddol, diwylliannol ac economaidd angenrheidiol i greu lleoedd rhagorol.

Amcanion Cysylltiedig: Pob amcan

Lleoedd Iach a Chymdeithasol yng Nghonwy

Tai, Tai Fforddiadwy a Sipsiwn a Theithwyr

Amcan Strategol 2 (SO2): Hyrwyddo strategaeth holistig ar gyfer cyd-leoli twf tai a chyflogaeth drwy ddarparu cartrefi newydd, gan gynnwys tai fforddiadwy a safleoedd ar gyfer sipsiwn a theithwyr, mewn lleoliadau cynaliadwy a hygyrch, a sicrhau bod y mathau a'r amrediad cywir o dai o ran math, maint a deiliadaeth yn cael eu datblygu ochr yn ochr â'r seilwaith cymunedol angenrheidiol.

Amcanion Cysylltiedig: SO1, 2, 3, 4, 5, 6, 7, 9, 10, 11, 12, 13, 14 ac 15

Canolfannau Manwerthu a Masnachol

Amcan Strategol 3 (SO3): Darparu canolfannau tref a masnachol deniadol a hyfyw yng Nghonwy drwy ail-ddiffinio eu rôl ac annog amrywiaeth o weithgareddau a defnyddiau.

Amcanion Cysylltiedig: SO1, 2, 6, 7, 8, 9, 13 ac 14.

Cyfleusterau Cymunedol

Amcan Strategol 4 (SO4): Cyfrannu at naws lle ac at iechyd, lles ac amwynder cymunedau lleol drwy sicrhau bod gan y boblogaeth bresennol, a'r boblogaeth yn y dyfodol, fynediad at gymysgedd cynaliadwy o gyfleusterau cymunedol.

Amcanion Cysylltiedig: SO1, 2, 3, 4, 5, 6, 7, 9, 13 ac 14

Mannau Hamdden

Amcan Strategol 5 (SO5): Annog lles meddwl a chorfforol drwy ddarparu a diogelu rhwydweithiau o ardaloedd hamdden a mannau gwyrdd hygyrch o ansawdd uchel.

Amcanion Cysylltiedig: SO1, 2, 4, 6, 8, 12, 13, 14 ac 15.

Trafnidiaeth a Hygyrchedd

Amcan Strategol 6 (SO6): Darparu datblygu cynaliadwy a cheisio mynd i'r afael ag achosion newid yn yr hinsawdd drwy ehangu'r dewis o drafnidiaeth gynaliadwy er mwyn rhoi mynediad at swyddi a gwasanaethau allweddol i gymunedau Conwy, drwy hybu rhwydwaith o lwybrau byrrach, mwy llesol ac effeithlon ar gyfer cerdded, beicio a defnyddio trafnidiaeth gyhoeddus a thrwy ddylanwadu ar leoliad, maint, dwysedd, cymysgedd defnyddiau a dyluniad datblygiadau newydd.

Amcanion Cysylltiedig: Pob amcan

Lleoedd Ffyniannus yng Nghonwy

Datblygu Economaidd

Seilwaith Trafnidiaeth

Telegyfathrebu

Amcan Strategol 7 (SO7): Cefnogi ffyniant economaidd hirdymor, arallgyfeirio ac adfywio drwy fanteisio ar sefyllfa strategol Conwy yn y cyd-destun rhanbarthol ehangach a thrwy hyrwyddo strategaeth holistig sy'n cyd-leoli twf cyflogaeth a thwf tai, a fydd yn hwyluso twf swyddi newydd o'r math iawn mewn lleoliadau cynaliadwy a hygyrch, yn cefnogi clystyrau a rhwydweithiau busnes, yn cynyddu sgiliau mewn swyddi gwerth uchel ac yn darparu'r seilwaith newydd angenrheidiol. Bydd hyn yn hwyluso lleoli busnesau newydd yng Nghonwy a thwf y busnesau presennol.

Amcanion Cysylltiedig: SO1, 2, 3, 6, 7, 8, 9, 10, 11, 12 ac 13

Twristiaeth

Amcan Strategol 8 (S08): Annog a chefnogi twristiaeth gynaliadwy lle mae'n cyfrannu at ffyniant a datblygiad yr economi ac at gadwraeth, arallgyfeirio gwledig, adfywio a chynhwysiant cymdeithasol, ond yn cydnabod anghenion ymwelwyr, busnesau a chymunedau lleol a bod angen gwarchod yr amgylchedd hanesyddol a naturiol.

Amcanion Cysylltiedig: SO1, 2, 3, 4, 5, 6, 7, 9, 12, 13 ac 15.

Economi Wledig Conwy

Amcan Strategol 9 (S09): Hyrwyddo a chefnogi cymunedau gwledig cynaliadwy a bywiog drwy sefydlu mentrau newydd, ehangu busnesau presennol a mabwysiadu dull adeiladol tuag at amaeth ac arferion ffermio newydd.

Amcanion Strategol: Pob amcan

Ynni a Newid yn yr Hinsawdd

Amcan Strategol 10 (S010): Sicrhau cymysgedd priodol o ynni, gan gynnwys hyrwyddo Morlyn Ynni Llanw, sy'n cynnig manteision i economi a chymunedau Conwy ond yn lleihau unrhyw effeithiau amgylcheddol a chymdeithasol negyddol.

Amcanion Strategol: SO1, 2, 3, 6, 7, 8, 9, 11 ac 13

Mwynau a Gwastraff

Amcan Strategol 11 (SO11): Cyfrannu at weithredu'r economi gylchol, rheoli gwastraff gan effeithio cyn lleied â phosibl ar yr amgylchedd a sicrhau y gwneir defnydd cynaliadwy o adnoddau naturiol, gan gynnwys ar gyfer cynhyrchu ynni a darparu cyflenwad digonol o fwynau a deunyddiau ar gyfer adeiladu.

Amcanion Strategol Cysylltiedig: SO1, 2, 6, 7, 9, 10 ac 15.

Lleoedd Naturiol a Diwylliannol yng Nghonwy

Tirweddau

Amgylchedd Hanesyddol

Amcan Strategol 12 (SO12): Gwarchod a chadw asedau naturiol, diwylliannol a threftadaeth ansawdd uchel Conwy.

Amcanion Cysylltiedig: Pob amcan

Ardaloedd Arfordirol

Amcan Strategol 13 (SO13): Cefnogi cyfleoedd twf, adfywio a datblygu mewn Ardaloedd Arfordirol ond, ar yr un pryd, bod yn ymwybodol ac ymatebol i'r heriau sy'n dod oddi wrth bwysau naturiol.

Amcanion Cysylltiedig: Pob amcan

Seilwaith Gwyrdd

Bioamrywiaeth

Amcan Strategol 14 (SO14): Gwarchod a gwella bioamrywiaeth a chreu rhwydweithiau ecolegol gwydn.

Amcanion Cysylltiedig: SO1, 2, 3, 4, 5, 7, 8, 9, 12, 13 ac 15.

Dŵr, Aer, Seinwedd a Golau

Amcan Strategol 15 (SO15): Lleihau faint y mae pobl a phethau'n dod i gysylltiad â llygredd aer a sŵn, cydbwyso darparu datblygu a goleuadau i gadw pobl ac eiddo'n ddiogel â'r angen i warchod a gwella'r amgylchedd dŵr ac adnoddau dŵr, gan gynnwys dŵr wyneb a dŵr daear o ran eu hansawdd a faint sydd ohonynt.

Amcan Cysylltiedig: Pob amcan

Ardal Strategaeth Datblygu Arfordirol

Is-ardal

Gorllewin

Creuddyn

Canolog

Dwyrain

Trefol

Llanfairfechan, Penmaenmawr

Conwy, Cyffordd Llandudno, Deganwy/Llanrhos, Llandudno, Bae Penrhyn/Ochr Penrhyn

Llandrillo yn Rhos, Mochdre, Bae Colwyn, Hen Golwyn

Abergele/Pensarn, Tywyn, Bae Cinmel

Prif Bentrefi Haen 1

Dwygyfylchi*

Glan Conwy

Llanddulas

Prif Bentrefi Haen 2

Llysfaen

Pentrefi Bychain

Bryn Pydew, Glanwydden, Pentrefelin

Rhyd y Foel, Llan San Siôr

Pentrefannau

Capelulo*

Bryn y Maen

Bodtegwel

Ardal Strategaeth Datblygu Gwledig

Canolfan Wasanaethau Allweddol

Llanrwst

Prif Bentrefi Haen 2

Betws yn Rhos, Cerrigydrudion, Dolgarrog*, Eglwysbach, Llanfair TH, Llangernyw, Llansannan, Trefriw*, Tal y Bont*/Castell

Pentrefi Bychain

Groes, Henryd, Llanbedr y Cennin*, Llanddoged, Llanelian, Llangwm, Llannefydd, Pentrefoelas, Tal y Cafn, Tyn y Groes

Pentrefannau

Bryn Rhyd-yr-Arian, Brymbo, Bylchau, Cefn Berain, Cefn Brith, Dinmael, Glasfryn, Groesffordd, Gwytherin, Hendre, Llanfihangel GM, Maerdy, Melin y Coed, Nebo*, Pandy Tudur, Pentre Isa, Pentre Llyn Cymmer, Pentre Tafarn y Fedw, Rhydlydan, Tan y Fron

Elfen Allweddol y Strategaeth

A yw'r Strategaeth newydd yn ystyried yr elfen hon?

Yn ystyried Strategaethau, Cynlluniau, Polisïau a Thystiolaeth Cenedlaethol, Rhanbarthol a Lleol.

Oes

Yn ystyried Deddf Llesiant Cenedlaethau'r Dyfodol, y 5 Egwyddor Cynllunio a Chanlyniadau Cynaliadwy.

Oes

Yn ceisio creu Lleoedd Cynaliadwy ac yn coleddu creu lleoedd cynaliadwy.

Oes

Yn hyrwyddo lleoedd iach, cydraddoldeb a lles yng Nghonwy.

Oes

Yn hyrwyddo strwythur oedran mwy cytbwys ac yn ceisio lleihau allgymudo drwy gyflenwi a gwarchod y lefel iawn o gartrefi, swyddi a chyfleusterau cymunedol i gefnogi cadw a dychweliad y boblogaeth iau ac economaidd weithgar.

Oes

Byddai'n hyrwyddo strategaeth holistaidd ac yn caniatáu ar gyfer darparu cartrefi a chyflogaeth newydd yn unol â'r Hierarchaeth Aneddiadau i adlewyrchu cynaliadwyedd, hygyrchedd a nodweddion swyddogaethol aneddiadau, eu gwasanaethau a'u cyfleusterau, yn ogystal â'u gallu i ddarparu ar gyfer twf.

Oes

Yn cydnabod lefel uchel y perygl o ran llifogydd a'r cyfyngiadau o ran priffyrdd i'r Dwyrain o'r Fwrdeistref Sirol ynghyd â'r angen i hybu buddsoddiad ac adfywio i hyrwyddo cymunedau cryf.

Oes

Mae'n cefnogi ac yn darparu ar gyfer yr isadeiledd angenrheidiol o ran cyfleustodau a'r gymuned er mwyn cefnogi twf.

Oes

Mae'n ceisio darparu 4,300 (ac 20% wrth gefn) o gartrefi newydd a 1800 o dai fforddiadwy a gefnogir gan yr isadeiledd a fynnir o ran cyfleustodau a'r gymuned.

Oes

Yn ceisio cynyddu nifer unedau tai marchnad agored llai, cyfleoedd ar gyfer byw mewn cartrefi a addaswyd a rhaniad 50% yn y cyflenwad o eiddo cymdeithasol a chost isel o ran perchnogaeth, lle bo'n briodol.

Oes

Ei bod yn gyflawnadwy ac yn adlewyrchu cyfraddau adeiladu blaenorol a chapasiti'r diwydiant datblygu.

Oes

Yn hyrwyddo mwy o hyblygrwydd yn yr ardaloedd gwledig i adlewyrchu'r anhawster o ran cyflenwi cynlluniau tai, ac yn y diwedd yn darparu ar gyfer fframwaith sy'n gwarchod hunaniaeth gymunedol ac yn cefnogi twf lleol.

Oes

Yn darparu ar gyfer 1,800 o swyddi newydd i gyfrannu at dwf economaidd a chreu swyddi sy'n adlewyrchu Adolygiad Tir Cyflogaeth Conwy, Bargen Dwf ranbarthol Gogledd Cymru a'r cyflenwad o isadeiledd, wrth ddarparu hyblygrwydd ar gyfer newidiadau o ran gofynion economaidd dros Gyfnod y Cynllun.

Oes

Yn adlewyrchu Dadansoddiad Marchnad Cyflogaeth Conwy o ran y lleoliad priodol ar gyfer twf cyflogaeth newydd.

Oes

Yn cydnabod argaeledd cyfyngedig tiroedd llwyd, ond ar yr un pryd yn blaenoriaethu cyfleoedd ar safleoedd tir llwyd lle maent yn addas ac yn gyflawnadwy, cyn ystyried safleoedd tir glas.

Oes

Yn hyrwyddo lefel briodol o ddatblygu mewn aneddiadau gwledig i ddiwallu twf lleol ac arallgyfeirio.

Oes

Mewn ardaloedd gwledig, mae'n cadw nodweddion sydd wedi'u cydbwyso yn erbyn anghenion economaidd, cymdeithasol a hamdden cymunedau lleol ac ymwelwyr.

Oes

Yn mabwysiadu ymagwedd adeiladol tuag at gynigion ar gyfer datblygiadau amaethyddol, yn enwedig y rheiny a ddylunnir i ddiwallu anghenion arferion ffermio newidiol neu sy'n angenrheidiol i gyflawni cydymffurfiaeth â deddfwriaeth newydd o ran yr amgylchedd, hylendid neu les. Ymagwedd gadarnhaol tuag at addasu adeiladau gwledig i'w hailddefnyddio at ddibenion busnes, yn ogystal â mabwysiadu ymagwedd gadarnhaol tuag at brosiectau ar gyfer arallgyfeirio mewn ardaloedd gwledig.

Oes

Yn cyfrannu at gyflenwi cyfleoedd ar gyfer adfywio ffisegol a chymdeithasol ac yn darparu ar gyfer ystod amrywiol a chydlynus o aneddiadau a chymunedau.

Oes

Yn cydnabod gwerth iaith ac yn cynnwys polisïau i gefnogi twf o ran y defnydd o'r Iaith Gymraeg.

Oes

Yn gwella ansawdd dylunio i greu lleoedd gwych ar gyfer pobl yng Nghonwy.

Oes

Yn gwarchod rhag blerdwf trefol a datblygiadau amhriodol drwy adolygu'r Lletemau Glas a'r defnydd o ffiniau aneddiadau.

Oes

Yn nodi'r safleoedd Strategol Allweddol o fewn y Strategaeth a Ffefrir.

Oes

Bydd yn annog dulliau cludiant cynaliadwy amgen er mwyn hybu cerdded, beicio a chludiant cyhoeddus, lleihau dibyniaeth ar y car ar gyfer teithio bob dydd a chyfrannu at leihau'r newid yn yr hinsawdd.

Oes

Yn lleoli twf mewn ardaloedd sydd â'r isadeiledd angenrheidiol neu sydd wedi'i gynllunio i greu lleoedd cynaliadwy, a lleihau'r angen i ddefnyddio ceir. Dylai'r CDLlN hefyd nodi yn lle mae angen rhagor o gludiant cyhoeddus a chyfnewidfeydd a dylid eu gwarchod er mwyn cefnogi datblygiadau newydd.

Oes

Yn diwallu anghenion presennol Sipsiwn a Theithwyr ac yn darparu'r mecanweithiau angenrheidiol i gyflenwi ar gyfer anghenion yn y dyfodol.

Oes

Yn lleihau effaith datblygu ar yr arfordir ac yng nghefn gwlad ac yn ceisio cadw a gwella asedau treftadaeth naturiol a diwylliannol Conwy sydd o ansawdd uchel.

Oes

Yn ceisio cyflawni canolfannau tref a masnachol bywiog, deniadol a hyfyw yng Nghonwy drwy ailddiffinio eu rôl a thrwy annog amrywiaeth o weithgareddau a defnyddiau.

Oes

Fe'i cefnogir gan yr isadeiledd a fynnir o ran cyfleustodau a'r gymuned.

Oes

Yn annog twristiaeth lle mae'n cyfrannu at ddatblygu economaidd, cadwraeth, arallgyfeirio gwledig, adfywio trefol a chynhwysiant cymdeithasol, wrth gydnabod anghenion ymwelwyr a chymunedau lleol.

Oes

Yn cefnogi llwyddiant parhaus twf presennol twristiaid yng Nghonwy, drwy annog datblygiadau priodol sy'n gysylltiedig â thwristiaeth, sy'n sympathetig o ran natur a graddfa i'r amgylchedd lleol.

Oes

Yn sicrhau bod twristiaeth gynaliadwy yn cael ei hyrwyddo, sy'n ceisio darparu ar gyfer twristiaeth drwy gydol y flwyddyn yn hytrach na thymhorol.

Oes

Yn cefnogi isadeiledd telathrebu mewn lleoliadau priodol ac yn nodi polisïau ar gyfer datblygu telathrebu, gan gynnwys polisïau sy'n seiliedig ar feini prawf er mwyn arwain datblygiadau i leoliadau addas.

Oes

Yn ceisio cefnogi cynigion ar gyfer isadeiledd band eang neu welliannau i rwydweithiau neu gyfarpar presennol.

Oes

Yn cydnabod buddion ynni adnewyddadwy a charbon isel fel rhan o'r ymrwymiad cyffredinol i fynd i'r afael â newid hinsawdd a chynyddu diogelwch o ran ynni.

Oes

Yn cefnogi'r defnydd o ynni adnewyddadwy, ynni isel cynaliadwy ynghyd â mynediad i'r grid o fewn datblygiadau.

Oes

Yn ystyried ac yn cynllunio ar gyfer gwarchod a dyrannu anghenion o ran mwynau dros Gyfnod y Cynllun.

Oes

Yn hyrwyddo rheoli gwastraff mewn modd cynaliadwy.

Oes

Yn gwarchod ac yn hybu ansawdd naturiol, hanesyddol a chadwraeth adeiledig Conwy ynghyd â'i thirweddau sydd o werth uchel.

Oes

Yn sefydlu beth mae'r arfordir yn ei olygu i Gonwy ac yn datblygu polisïau penodol, sy'n adlewyrchu nodweddion y morlin. Wrth wneud hyn, bydd yn cydnabod y rhyngberthynas rhwng nodweddion ffisegol a biolegol ei hardal arfordirol ac o ran defnydd tir, ynghyd ag effeithiau newid hinsawdd.

Oes

Yn gwarchod ac yn gwella asedau a rhwydweithiau o ran isadeiledd gwyrdd.

Oes