CDLlN Cynllun i’w archwilio gan y cyhoedd 2018-2033

1. Cyflwyniad Sylw

1.1 Cefndir Sylw

1.1.1 Mae'r Cyngor yn gyfrifol am baratoi a chadw Cynllun Datblygu Lleol (CDLl) cyfredol yn unol â Deddf Cynllunio a Phrynu Gorfodol 2004 ar gyfer pob ardal sydd y tu allan i Barc Cenedlaethol Eryri. Mae gan y Parc Cenedlaethol ei awdurdod cynllunio a CDLl ei hun. Mae’n rhaid i’r CDLl nodi polisïau cynllunio a dyrannu safleoedd ar gyfer gwahanol fathau o ddatblygiad. Mae’r Cyngor hefyd yn gyfrifol am reoli datblygiad sy’n cynnwys prosesu a phenderfynu ar geisiadau cynllunio yn y Fwrdeistref Sirol y tu allan i Barc Cenedlaethol Eryri. Mae’r CDLl yn arwain a rheoli datblygu drwy ddarparu sylfaen ar gyfer gwneud penderfyniadau clir a chyson. Er mwyn diwallu’r cyfrifoldebau uchod, mae’r Cyngor yn paratoi CDLl Newydd (CDLlN). Sylw

1.1.2 Mabwysiadodd Conwy’r CDLl cyntaf yn 2013 gyda’r bwriad ei fod yn parhau tan 2022. Bydd y CDLl presennol yn parhau mewn grym nes bo’r CDLlN yn cael ei fabwysiadu, ond mae’r polisïau a’r cyflenwad tir i ddiwallu anghenion cymunedau Conwy wedi dyddio. Felly mae angen datblygu CDLlN, a fydd yn darparu fframwaith ar gyfer datblygu yng Nghonwy (gan eithrio Parc Cenedlaethol Eryri) o’r cyfnod o 2018 hyd at 2033. Bydd y CDLl presennol yn parhau mewn grym nes bydd y CDLlN yn cael ei fabwysiadu. Sylw

1.1.3 Mae tystiolaeth yn awgrymu y bydd poblogaeth a nifer yr aelwydydd yn ardal CDLlN Conwy’n tyfu dros y 15 mlynedd nesaf. Ynghyd â’r angen i gynyddu nifer y tai fforddiadwy, mynd i’r afael â digartrefedd a chyfrannu at ddyheadau economaidd Bargen Dwf Gogledd Cymru, mae angen i ni gydweithio a chynllunio ar gyfer cartrefi, swyddi, cyfleusterau cymunedol ac isadeiledd newydd i gefnogi’r twf. Mae’n bwysig bod twf yn cael ei gynllunio’n briodol er mwyn sicrhau ei fod yn darparu buddion ar gyfer cymunedau ac yn cyflawni datblygiad a lleoedd cynaliadwy. Mae ardaloedd o Fwrdeistref Sirol Conwy sydd angen eu gwella ac adfywio er mwyn hyrwyddo gwydnwch, tra bod ardaloedd eraill angen eu diogelu i annog ffyrdd o fyw iach a thwristiaeth gynaliadwy. Bydd y CDLlN yn mynd i’r afael â’r egwyddorion cynaliadwy a’r cysyniad o greu lleoedd i ddarparu’r twf mewn modd cynaliadwy a diwallu ein dyletswyddau lles o dan Ddeddf Llesiant Cenedlaethau’r Dyfodol 2015. Sylw

1.2 CDLlN Conwy i’w Archwilio gan y Cyhoedd Sylw

1.2.1 Y CDLlN i’w archwilio gan y cyhoedd yw canlyniad y camau paratoi statudol ac ymgysylltu cymunedol cynnar fel a ganlyn: Sylw

• Cytundeb Cyflawni a Chynllun Ymgysylltu â’r Gymuned (Hydref 2018 / Diwygiad Rhagfyr 2025);
• Galwad am Safleoedd Ymgeisiol (Medi - Tachwedd 2018)
• Cyfranogiad Cyn Cyflwyno i’w Archwilio gan y Cyhoedd (Ionawr - Gorffennaf 2019); ac
• Ymgynghoriad (Strategaeth a Ffefrir) Cyn Cyflwyno i’w Archwilio gan y Cyhoedd (Gorffennaf- Medi 2019)

1.2.2 Mae’r Awdurdod Cynllunio Lleol wedi cymryd ymagwedd ragweithiol a thryloyw tuag at ymgysylltu, blaenlwytho a pharatoi’r cynllun hyd yma. Cynhaliwyd ail Alwad am Safleoedd Ymgeisiol ar gyfer tai fforddiadwy ym mis Awst 2022. Cynhaliwyd rhagor o ddigwyddiadau ymgysylltu creu lleoedd anstatudol ochr yn ochr â Chymorth Cynllunio Cymru i nodi anghenion y gymuned a nodi anghenion creu lleoedd yn seiliedig ar safleoedd ac ardaloedd penodol. Mae’r CDLlN i’w Archwilio gan y Cyhoedd yn cyfuno’r dystiolaeth a gasglwyd, ymgysylltiad â budd-ddeiliaid a gwaith cyn cyflwyno i’w archwilio a wnaed hyd yma, gan gynnwys y gwaith o fewn y Strategaeth a Ffefrir ac yn ystyried datblygu’r cyfeiriad strategol drwy bolisïau a chynigion defnydd tir sy’n fwy manwl (gan gynnwys dyrannu tir ar gyfer datblygu). Sylw

1.2.3 Mae’r CDLlN i’w Archwilio gan y Cyhoedd yn cynnwys datganiad ysgrifenedig a map cynigion. Mae’r datganiad ysgrifenedig yn amlinellu polisïau cynllunio lleol, dyraniadau defnydd tir a chyfiawnhad cysylltiedig yn seiliedig ar y dystiolaeth ategol yn y papurau cefndir. Mae hefyd yn cynnwys fframwaith monitro, sy’n nodi sut y bydd strategaeth, amcanion, polisïau a chynigion y cynllun yn cael eu monitro’n erbyn y dangosyddion priodol a phwyntiau sbardun ar gyfer gweithredu (yn gysylltiedig ag adolygiad / diwygiad y cynllun). Mae’r map cynigion yn nodi’r dyraniadau defnydd tir, ffiniau anheddiad a dynodiadau cynllunio yn y cynllun, sy’n allweddol er mwyn cyflawni’r strategaeth ofodol. Sylw

1.2.4 Mae’r CDLlN yn llawer mwy na chynllun defnydd tir yn unig; mae ei gylch gorchwyl yn ehangach, gyda phwyslais ar greu lleoedd a chreu cymunedau cynaliadwy, ac mae’n dangos cysylltiadau gyda materion cysylltiedig fel iechyd, addysg, newid yn yr hinsawdd, isadeiledd gwyrdd, teithio llesol a llesiant. Mae holl amcanion a pholisïau'r CDLlN yn rhyng-gysylltiedig o ran eu natur ac mae angen eu darllen ochr yn ochr â’i gilydd er mwyn cael dealltwriaeth o gyfeiriad polisi cyffredinol y CDLlN i’w Archwilio gan y Cyhoedd. Sylw

1.3 Dogfennau ategol Sylw

1.3.1 Mae’r CDLlN i’w Archwilio gan y Cyhoedd yn cael ei gefnogi gan nifer o asesiadau o effaith a dogfennau sylfaen dystiolaeth gefndirol i hysbysu’r ymagwedd a’r nod gyffredinol o hyrwyddo cymunedau cynaliadwy. Dylid darllen yr holl ddogfennau canlynol ochr yn ochr â’r CDLlN i’w Archwilio gan y Cyhoedd. Sylw

• Arfarniad o Gynaliadwyedd yn cynnwys Asesiad Amgylcheddol Strategol - Mae’r CDLlN i’w Archwilio gan y Cyhoedd wedi bod yn destun Arfarniad o Gynaliadwyedd / Asesiad Amgylcheddol Strategol i nodi a fyddai’n cael unrhyw effaith sylweddol ar yr amgylchedd (cadarnhaol neu negyddol) ac i ddeall a fydd yn cynorthwyo i gyflawni datblygu cynaliadwy. Mae Fframwaith yr Arfarniad o Gynaliadwyedd sy’n tanategu’r asesiad hwn yn cynnwys canolbwynt cryf ar faterion lles sy’n gysylltiedig â Deddf Llesiant Cenedlaethau’r Dyfodol (Cymru) 2015.
• Asesiad Rheoliadau Cynefinoedd - asesiad o effeithiau sylweddol tebygol ar safleoedd sydd wedi’u dynodi ar lefel Ewropeaidd (‘Safleoedd Ewropeaidd’) am resymau o bwysigrwydd ecolegol.
• Asesiad o Effaith ar Gydraddoldeb - yn adolygu a nodi effaith debygol y Cynllun ar gymunedau presennol ac yn y dyfodol, gan ystyried y dystiolaeth berthnasol er mwyn deall effaith debygol neu wirioneddol y polisïau ac arferion ar grwpiau gwarchodedig.
• Asesiad o Effaith ar Iechyd - yn asesu effaith debygol y Cynllun ar ystyriaethau iechyd a chydraddoldeb, yn enwedig y rhai a allai effeithio ar iechyd trigolion y Fwrdeistref Sirol.
• Asesiad o’r Effaith ar y Gymraeg - yn asesu effaith bosibl y CDLlN ar y Gymraeg a diwylliant Cymru ac yn cynnig mesurau lliniaru priodol.
• TystiolaethPapurauCefndir - amrywiaeth o sylfaen dystiolaeth i hysbysu a chefnogi’r CDLlN. Mae Papurau Cefndir hefyd yn darparu gwybodaeth a rhesymeg ar gyfer y CDLlN i’w Archwilio gan y Cyhoedd. Mae’r rhain yn rhoi mwy o fanylder ar rai o’r materion allweddol a’r meysydd testun sydd yn arwyddocaol ar gyfer y CDLlN. Mae 66 o Bapurau Cefndir ar hyn o bryd fel y nodir yn Atodiad 4.

1.3.2 Mae’r Asesiadau o Effaith a Phapurau Cefndir wedi’u cyflawni mewn modd integredig a’u defnyddio fel teclynnau creu cynllun i hysbysu’r CDLlN, yn hytrach nag ymarferion adrodd statudol yn unig. Mae hyn wedi caniatáu profi goblygiadau amgylcheddol, cymdeithasol, economaidd a diwylliannol holl elfennau’r cynllun ar y cam cynharaf posibl a bod unrhyw ansicrwydd, materion neu ofynion lliniaru’n cael eu nodi yn ystod prosesau asesiadau o effaith i fynd i’r afael â nhw yn ystod gwaith paratoi’r cynllun. Hefyd er mwyn diwallu’r gofynion statudol, mae’r broses wedi cynorthwyo i wneud y mwyaf o berfformiad a gwella ansawdd y CDLlN yn gyffredinol. Sylw

1.3.3 Mae rhagor o ddogfennau wedi’u cyhoeddi ochr yn ochr â’r CDLlN i’w Archwilio gan y Cyhoedd. Sylw

• Adroddiad Adolygu’r CDLl Presennol - yn nodi graddau arfaethedig y newidiadau tebygol i’r CDLl presennol (2007 - 2022) a chadarnhau’r weithdrefn ddiwygio i’w dilyn wrth baratoi’r CDLlN.
• Cytundeb Cyflawni a Chynllun Ymgysylltu â’r Gymuned - mae’r Cytundeb Cyflawni’n darparu cynllun prosiect ar gyfer paratoi’r CDLlN a nodi mesurau o fewn y Cynllun Ymgysylltu â’r Gymuned o ran ymgynghori ac ymgysylltu. Mae’r Cytundeb Cyflawni a’r Cynllun Ymgysylltu â’r Gymuned wedi’u diwygio i adlewyrchu effaith COVID19 ar yr amserlen gynhyrchu.
• Cofrestr o Safleoedd Ymgeisiol- mae Cofrestr y Safleoedd Ymgeisiol yn nodi’r holl safleoedd a gyflwynwyd i’r Awdurdod Cynllunio Lleol fel rhan o’r Alwad am Safleoedd Ymgeisiol. Mae’r safleoedd hyn yn cael eu cyflwyno gan y cyhoedd a budd-ddeiliaid sy’n awgrymu tir i’w ddatblygu, neu ei ddiogelu rhag datblygiad. Mae’r safleoedd a awgrymwyd i’w datblygu wedi’u nodi yn y CDLlN i’w Archwilio gan y Cyhoedd yn seiliedig ar anghenion ac asesiad llawn i ddangos bod modd eu cyflawni.

1.4 Ymgysylltu blaenorol gyda’r gymuned a budd-ddeiliaid allweddol. Sylw

1.4.1 Mae’n rhaid i’r CDLlN fod yn seiliedig ar ac yn cael ei danategu gan ymgysylltiad cynnar, effeithiol ac ystyrlon gyda’r gymuned er mwyn deall ac ystyried ystod eang o safbwyntiau, gyda’r nod o lunio consensws eang ar y strategaeth ofodol, polisïau a chynigion. Sylw

1.4.2 Mae’r Cyngor wedi paratoi Adroddiad Ymgynghori i’w Archwilio gan y Cyhoedd sy’n ddogfen gynhwysfawr yn nodi sut mae’r holl sylwadau blaenorol a wnaed wedi hysbysu’r Cynllun i’w Archwilio gan y Cyhoedd. Mae’n crynhoi’r materion allweddol a godwyd drwy’r broses, gan gynnwys y sylwadau a wnaed ac argymhellion o ran sut mae’r Awdurdod Cynllunio Lleol yn ystyried y dylid mynd i’r afael â phob sylw. Sylw

1.4.3 Mae’r sylwadau a dderbyniwyd yn ystod ymgynghoriadau blaenorol wedi’u hasesu ac mae nifer wedi dylanwadu ar baratoad y Cynllun i’w Archwilio gan y Cyhoedd. Mae crynodeb o sylwadau a dderbyniwyd yn ystod yr ymgynghoriad yn cael ei gyhoeddi ar wahân fel rhan o’r CDLlN i’w Archwilio gan y Cyhoedd. Sylw

1.5 Strwythur y CDLlN Sylw

1.5.1 Roedd y camau ymgynghori cychwynnol cyn cyflwyno i’w archwilio gan y cyhoedd yn cynnig strwythur newydd i’r CDLlN i sicrhau ei fod yn mynd i’r afael â’r themâu allweddol yng nghynllun cenedlaethol ‘Cymru’r Dyfodol 2040’, PCC a’r nodau lles a nodwyd yn Neddf Llesiant Cenedlaethau’r Dyfodol 2015. Mae holl elfennau’r CDLlN i’w Archwilio gan y Cyhoedd wedi’u strwythuro o amgylch y pedair thema i gyflawni’r weledigaeth, amcanion a’r strategaeth ofodol. Mae’r themâu hyn yn uno’r cysylltiadau rhwng polisïau cynllunio i’w gwneud yn glir sut mae elfennau unigol yn cyfrannu at y nod gyffredinol i gyfrannu’n gadarnhaol at leoedd cynaliadwy a gwella lles yng Nghonwy. Mae’r Cynllun Monitro a Gweithredu hefyd yn adlewyrchu’r pedair thema allweddol. Sylw

1.5.2 Mae’r CDLlN i’w Archwilio gan y Cyhoedd yn cynnwys datganiad ysgrifenedig yn nodi ei bolisïau a chynigion a map cynigion ar sail ddaearyddol. Mae’r CDLlN i’w Archwilio gan y Cyhoedd wedi’i strwythuro fel a ganlyn: Sylw

1.5.3 Mae’r cynllun yn cynnwys y polisïau strategol a pholisïau sy’n seiliedig ar feini prawf canlynol ar gyfer pob adran: Sylw

Dewisiadau strategol a gofodol yng Nghonwy Sylw

Fframwaith y polisi Creu Lleoedd Sylw

Lleoedd iach a chymdeithasol yng Nghonwy Sylw

Fframwaith tai a thai fforddiadwy Sylw

Strategaeth Cludiant Cynaliadwy a Hygyrchedd Sylw

Canolfannau manwerthu a masnachol Sylw

Strategaeth cyfleusterau a gwasanaethau cymunedol Sylw

Strategaeth mannau hamdden Sylw

Lleoedd ffyniannus yng Nghonwy Sylw

Strategaeth datblygu economaidd Sylw

Strategaeth Twristiaeth Sylw

Fframwaith cynllunio sero net  Sylw

Mwynau a Gwastraff Sylw

Lleoedd naturiol a diwylliannol yng Nghonwy Sylw

Yr amgylchedd naturiol Sylw

Rhinweddau amgylcheddol Sylw

Amgylchedd hanesyddol Sylw

1.6 Gweithio tuag at fannau cynaliadwy a lles gwell yng Nghonwy Sylw

1.6.1 Mae Deddf Llesiant Cenedlaethau’r Dyfodol 2015 yn cyflwyno dyletswydd ar gyrff cyhoeddus bod yn rhaid iddynt gyflawni datblygu cynaliadwy wrth baratoi CDLl. Mae Deddf Llesiant Cenedlaethau’r Dyfodol yn nodi saith nod lles y mae’n rhaid i CDLlN Conwy weithio tuag atynt. Mae CDLlN Conwy i’w Archwilio gan y Cyhoedd yn mynd i’r afael â’r egwyddor datblygu cynaliadwy a’r cysyniad o greu lleoedd i sicrhau ei fod yn gweithio tuag at leoedd cynaliadwy a lles gwell yng Nghonwy. Sylw

1.6.2 Er mwyn sicrhau bod y CDLlN yn gweithio tuag at y nodau hyn, mae cymhellion allweddol y mae’n rhaid eu dilyn a chysylltu â nhw, a fydd yn galluogi gwireddu’r nodau yn Neddf Llesiant Cenedlaethau’r Dyfodol. Mae ffigur 2 yn dangos sut mae’r dogfennau allweddol hyn yn cysylltu i hysbysu’r CDLlN a chyfrannu’n gadarnhaol tuag at leoedd cynaliadwy a lles: Sylw

• Mae Deddf Llesiant Cenedlaethau’r Dyfodol yn sefydlu’r ‘pum ffordd o weithio’ y mae’n rhaid i gyrff cyhoeddus ddangos eu bod wedi’u cyflawni wrth ddiwallu eu dyletswydd datblygu cynaliadwy ac wrth baratoi’r CDLlN.
• Mae Llywodraeth Cymru’n nodi cymhellion cynllunio allweddol ar ffurf ‘pum egwyddor cynllunio allweddol’ a ddylai ffurfio man cychwyn wrth baratoi’r CDLlN. Mae’r egwyddorion hynny’n cefnogi’r newid diwylliant oedd ei angen er mwyn mynd i’r afael â chreu lleoedd, a sicrhau bod cynllunio’n hwyluso’r datblygiad cywir yn y lleoliad cywir.
• Dylid defnyddio canlyniadau creu lleoedd cynaliadwy cenedlaethol i hysbysu gwaith paratoi’r cynlluniau datblygu ac asesiad y cynigion datblygu. Mae’r canlyniadau’n darparu fframwaith sy’n cynnwys y ffactorau hynny sy’n cael eu hystyried fel canlyniad delfrydol y cynlluniau datblygu a datblygiadau unigol. Mae’r canlyniadau hyn hefyd yn ffurfio’r man cychwyn ar gyfer y CDLlN.

1.6.3 Mae Atodiad 2 yn dangos sut mae’r canlyniadau creu lleoedd cynaliadwy cenedlaethol yn cysylltu â’r nodau lles cenedlaethol, themâu PCC, polisïau Cymru’r Dyfodol, Cynllun Lles Conwy a Sir Ddinbych a’r themâu arfaethedig yn y Cynllun i’w Archwilio gan y Cyhoedd yn cydymffurfio â’i gilydd. Sylw

Ffynhonnell: SPPS,CBSC Sylw

1.6.4 Mae’n rhaid i’r CDLlN fod yn seiliedig ar ddealltwriaeth gref o rôl a swyddogaeth ardal gan gynnwys cysylltiadau gweithredol gydag ardaloedd y tu hwnt i ffiniau gweinyddol. Mae’r adran hon wedi’i hysbysu gan ddealltwriaeth drylwyr o’r materion allweddol lleol, rhanbarthol a chenedlaethol sy’n effeithio ar ardal cynllun Conwy, sy’n hysbysu gweledigaeth, amcanion a fframwaith strategol y CDLlN wedi’i gyflwyno yn adran 4 a’r polisïau strategol ac yn seiliedig ar feini prawf yn adran 5. Wrth baratoi’r CDLlN rydym wedi ceisio adolygu a diweddaru ein dealltwriaeth o’r materion perthnasol ymhellach drwy flaenlwytho a chasglu tystiolaeth drwy ymgysylltu â budd-ddeiliaid allweddol a chymunedau. Sylw

1.6.5 Mae’n rhaid i’r CDLlN gael cydbwysedd rhwng diogelu’r elfennau hynny sy’n gwneud Conwy’n arbennig, gan gynorthwyo i hwyluso cyfleoedd ar gyfer twf newydd ac adfywio er mwyn cyfrannu at greu lleoedd cynaliadwy a lles gwell. Sylw